ఇంటింటికీ ఇంటర్నెట్ వినియోగం, అరచేతిలో స్మార్ట్‌ఫోన్లు రావడంతో అంతర్జాలం మొత్తంగా అవరించిపోతున్నది. సినిమాల విషయం వచ్చేసరికి యూట్యూబ్ ప్రమాదాన్ని మించి నెట్‌ఫ్లిక్స్, అమెజాన్ వీడియో లాంటి ఆన్‌లైన్ సినిమా ప్లాట్‌ఫాంలు వెల్లువలా ముంచుకు వస్తున్నాయి. పాత సినిమాలతో పాటు సరికొత్త సినిమాలను కూడా అవి విడుదల చేస్తూ ప్రపంచవ్యాప్తంగా ప్రేక్షకులను చేరుకుంటున్నాయి.

సామాన్య బడుగుజీవికి దేశంలో ఉన్న వినోద సాధనాల్లో అందుబాటులో ఉన్న ముఖ్యమైన వేదిక సినిమా. అంతేకాదు సినిమా వారి జీవితాల్లో అంతర్భాగమైపోయింది. ప్రేక్షకు ల పైన సినిమా ప్రభావం ఎంతగా ఉందంటే వారు మాట్లాడే భాష, ఆహార్యం, ఆహార పుటలవాట్లు మొత్తంగా జీవనసరళి సినిమా ప్రభావంలో పడి ఎప్పటికప్పుడు మారిపో యే పరిస్థితి ఏర్పడింది. అలాంటి సినిమా ఇవాళ ప్రదర్శనారంగంలో వచ్చిన వివాదం నేపథ్యంలో వెండితెర మీద బొమ్మపడకుం డా వినోదం మూతపడే స్థితి ఏర్పడింది.

సినిమాకు సంబంధించి ఉన్న ప్రధాన మూడు విభాగాలు-నిర్మాణం, పంపిణీ, ప్రదర్శనరంగాల్లో ఏర్పడిన సంక్షోభం తీవ్రమై దక్షిణ భారతంలో సినిమాహాళ్ళ మూసివేతకు దారితీసే దాకా వెళ్లింది. నిజానికి సినిమా నిర్మాణ రంగంలో వచ్చిన అనేక మార్పులతోపాటు వ్యాపారమే ఇరుసుగా ఉన్న పంపిణీ రంగం కూడా ఆది నుంచి అనేక మార్పులకు గురైంది. నైజాం ఏరియా గా పిలుచుకునే తెలుగు సినిమా రంగానికి సంబంధించి సికింద్రాబాద్ రాష్ట్రపతి రోడ్డు నిండా అనేక ఫిల్మ్ డిస్ట్రిబ్యూటర్ల ఆఫీసులుండేవి. కాలక్రమంలో సినిమాలకు జిల్లాలవారీ అమ్మకా లు మొదలవడంతో డిస్ట్రిబ్యూటర్లు క్రమంగా వెనక్కుతగ్గారు. టేబుల్ ప్రాఫిట్‌లు మొదలై స్టార్డమ్ విపరీతంగా పెరిగిపోయిం ది. పెద్ద హీరోల సినిమాలకు పెద్ద పెద్ద బిడ్డింగులు మొదలయ్యా యి. తమ థియేటర్లలో పెద్ద సినిమాలు విడుదల చేయడానికి సినిమాహాళ్ళ యజమానులు ముందస్తు అడ్వాన్సులు చెల్లించి సినిమాలను వేలంలో కొన్నట్టుగా కొనడం మొదలుపెట్టారు. సినిమాలకు వసూళ్లు తగ్గడంతో సినిమా హాళ్ల యజమానులు తీవ్ర నష్టాలను చవిచూశారు. సరిగ్గా అప్పుడే వారంతా సినిమా హాళ్లను లీజుకు ఇవ్వడం ప్రారంభించారు. దాంతో రెండు రాష్ర్టాల్లోని వందలాది సినిమాహాళ్లు లీజులతో కొంతమంది చేతుల్లోకి వెళ్లిపోయాయి. ఫలితంగా సినిమాల విడుదల విషయంలో లీజుదార్ల ఇష్టాయిష్టాలు ప్రధాన పాత్ర పోషించడం ఆరంభమైంది.

ఇట్లా పంపిణీరంగం కొన్నేండ్లుగా ఒడిదొడుకులకు గురై ఎగ్జిబిషన్ మేనేజ్‌మెంట్ ఫలితంగా మొత్తం సినిమా రంగాన్ని కొన్ని వర్గాలు గుత్తాధిపత్యంలోకి తెచ్చుకొని మొత్తం సినిమా రంగా న్ని నిర్దేశించే పరిస్థితి ఏర్పడింది. దాని ఫలితంగా చిన్న సినిమా లు తీవ్రమైన ఒత్తిడికి గురయ్యాయి. అది అందరూ అంగీకరిస్తున్నదే. సినిమా ఆవిర్భవించిన తొలినాళ్లలో స్టూడియోల ఆధిప త్యం నడిచింది. తర్వాత హీరోయిజం పెరిగి వారి ఆధిపత్యం కొనసాగింది. అనంతరకాలంలో సినిమాహాళ్ల, లీజుదారుల చేతుల్లోకి సినిమారంగం వెళ్లిపోయింది. ఏ ఆధిపత్యమైనా సమాజం లో కొంతకాలమే నడుస్తుంది కనుక ఇప్పుడు ప్రదర్శనారంగం లో సంక్షోభం మొదలైంది. ఫలితంగా వినోదం కాస్తా వివాదం లో పడిపోయింది. పంపిణీరంగాన్ని నియంత్రిస్తూ వచ్చిన వర్గాలకు సాంకేతికంగా వచ్చినమార్పులు అశనిపాతంగా మారాయి.

సినిమా నిర్మాణ రంగంలో సెల్యులాయిడ్ కాలం పోయి డిజిటల్ తరం ఆరంభమైన తొలినాళ్లలో దాని ప్రభావం నిర్మాణ రీతికే పరిమితమవుతుందనుకున్నారు. రీళ్లు పోయి సాఫ్ట్‌వేర్ తెరమీదికి రావడంతో ఫిల్మ్‌బాక్సులు పోయి ఆధునికమైన హార్డ్ డిస్క్‌లతో మొదలై ఉపగ్రహాల ద్వారా సినిమాహాళ్లకు నేరుగా సినిమాను ప్రదర్శించే వసతులు ఏర్పడ్డాయి. పర్యవసానంగా సర్వీస్ ప్రొవైడర్ల యుగం ఆరంభమైంది. ఉభయ తెలుగు రాష్ర్టా ల్లో 900కు పైగా సింగిల్ స్క్రీన్ హాళ్లు, 200కు పైగా మల్టీ ప్లెక్స్ హాళ్లున్నాయి. వాటిల్లో 95 శాతానికి పైగా డిజిటల్ స్క్రీనింగ్‌లకు మారిపోయాయి. ఫలితంగా ప్రధాన డిజిటల్ సర్వీస్ ప్రొవైడర్ సేవల్లోకి వెళ్లిపోయాయి. వాటిల్లో దాదాపు హాళ్లన్నీ క్యూబ్, యుఎఫ్‌ఓ లాంటి ప్రధాన సంస్థలతో ఒప్పందాలను చేసుకున్నాయి. దానిలో భాగంగా డిజిటల్ ప్రొజెక్షన్‌కు అవసరమైన పరికరాలు సమకూర్చడం కూడా ఉన్నది. ఇంకా వర్చువల్ ప్రింట్ ఫీజు కూడా మరో ప్రధానమైన అంశం. మొదట్లో అంతా బాగానే ఉన్నా డిజిటల్ సర్వీస్ ప్రొవైడర్లు క్రమంగా వర్చువల్ ప్రింట్ ఫీజు పెంచడం ఆరంభించారు. ఫలితంగా సినిమాహాళ్లను లీజుకు తీసుకున్న వర్గానికి ఆర్థికభారం ఆరంభమైంది. డిజిటల్ సర్వీస్ ప్రొవైడర్లు తమ ఆధిపత్యాన్ని చూపించడం మొదలు పెట్టారు. పరికరాల కోసం తాము పెట్టిన పెట్టుబడిని కూడా వీలై నంత త్వరగా వసూలు చేసుకోవాలని ప్రయత్నించడం మొద లు పెట్టడంతో ఇన్నేండ్లుగా సినిమా రంగంపైన గుత్తాధిపత్యం చెలాయించిన వర్గాలకు సెగ తగులడం మొదలైంది.

దాంతో దక్షి ణ భారతానికి చెందిన సౌత్ ఇండియన్ నిర్మాతల మండలి జాయింట్ యాక్షన్ కమిటీగా ఏర్పడి సినిమాహాళ్ల మూసివేతకు పిలుపునిచ్చింది. దాంతో వినోదం కాస్తా వివాదంలో పడిపోయింది. దాదాపుగా సినిమాహాళ్లను లీజుకు తీసుకొని సినిమా రంగాన్నే నియంత్రించే స్థాయికి చేరినవాళ్లంతా రోడ్డెక్కారు. అం టే తాము ఇన్నాళ్లుగా చేస్తున్న ఆధిపత్య దోపిడీ ప్రపంచీకరణ నేపథ్యంలో సాంకేతిక విప్లవ నేపథ్యంలో ఆవిర్భవించిన డిజిట ల్ ప్రొవైడర్ల దెబ్బకు కునారిల్లిపోయే స్థితిలోకి నెట్టివేయబడ్డారు. దాంతో చర్చలు సమ్మెలు మొదలుపెట్టారు. డిజిటల్ ప్రొవైడర్లు మొత్తం జాతీయస్థాయి వ్యాపార లక్ష్యాలతో వ్యవహరిస్తున్నారు. ఈ సినిమాహాళ్ల మూసివేత బహుశా ఎంతోకాలం కొనసాగక పో వచ్చు. త్వరలోనే ఒప్పందం కుదిరిపోవచ్చు. కానీ ఈ సమ్మె వల్ల పెద్ద నిర్మాతలకు పెద్ద సినిమాలకు ఎలాంటి ప్రమాదం లేకుండా చూసుకొనే సమ్మెకు దిగారు. జాయింట్ యాక్షన్ కమిటీ సమ్మెకు దిగిన ఈ సమయంలో పెద్ద సినిమాలేవీ విడుదలకు లేవు కాబట్టి వాళ్లంతా సేఫ్. ఇక ప్రస్తుతం థియేటర్లలో ఆడుతున్నది. అధిక శాతం చిన్న సినిమాలే. కనుక నష్టపోయేది చిన్నవాళ్లే. పోట్లాడే పోట్లగిత్తల కాళ్ల కింద పడి నలిగిపోయేది చిన్న లేగ దూడలే.

ఇదిలా ఉంటే పంపిణీ రంగం భవిష్యత్తు మరింత ప్రమాదం లో పడిపోయే స్థితి కూడా ఉన్నది. ఇంటింటికీ ఇంటర్నెట్ విని యోగం, అరచేతిలో స్మార్ట్ ఫోన్లు రావడంతో అంతర్జాలం మొత్తంగా అవరించిపోతున్నది. సినిమాల విషయం వచ్చేసరికి యూట్యూబ్ ప్రమాదాన్ని మించి నెట్‌ఫ్లిక్స్, అమెజాన్ వీడియో లాంటి ఆన్‌లైన్ సినిమా ప్లాట్‌ఫాంలు వెల్లువలా ముంచుకు వస్తున్నాయి. పాత సినిమాలతో పాటు సరికొత్త సినిమాలను కూడా అవి విడుదల చేస్తూ ప్రపంచవ్యాప్తంగా ప్రేక్షకులను చేరుకుంటున్నాయి. ఫలితంగా సరికొత్త సినిమా తెరలు ఆవిష్కృతమవుతున్నాయి. ప్రస్తుతానికి ఆ ప్లాట్‌ఫారమ్స్ అతి తక్కువ ధరలకు లెక్కలేనన్ని సినిమాలను అందుబాటులోకి తెచ్చాయి. వాటి విస్తృతి క్రమంగా పెరిగి సినిమాహాళ్లకు, పంపిణీ రంగానికి పెద్ద సవాల్‌గా మారే ప్రమాదం పొంచి ఉన్నది. ప్రస్తుతానికి మాత్రం జాయింట్ యాక్షన్ కమిటీకి సర్వీస్ ప్రొవైడర్లకు నడు మ వర్చువల్ ప్రింట్ ఫీజు విషయంలో ఒక ఒప్పందం కుదిరి వినోదంలోని వివాదం అంతరిస్తుందని ఆశిద్దాం. ఎప్పటిలాగే సాధారణ ప్రేక్షకులకు వినోదాన్ని అందించే పని మొదలవుతుంద ని కోరుకుందాం