VARALA AANAND POETRY

‘NADAKA’ POEM

Posted on

‘నడక’

—– వారాల ఆనంద్

నేనట్లా అలసటను వెంటేసుకొని

అడుగు తీసి అడుగేస్తూ

నడుస్తూనే వున్నా  

కాలం నన్ను ముందుకు తోసి

వెనకకు వెళ్తూనే వుంది

నడక దేముంది

శరీర కదలిక

గులక రాళ్లూ ఇసుక తిన్నెలూ

చిక్కటి అడవీ కటిక చీకటీ

అనుభవాలు పాద ముద్రల్లో

భద్రమవుతున్నాయి

యధాలాపంగానో

కావాలనో నన్ను అడగకు

ప్రయాణం ఎక్కడిదాకా అని

ఏమని చెప్పను ‘గమ్యం’

నాకు తెలిస్తే కదా

నడకేమో

కనిపించే వెతుకులాట

మనసెమో

వినిపించని పలవరరింత

నడక సాగుతూనే వున్నది

మనసు తెరుకునేవున్నది

ఇక

తెలియన్ది తెలుసుకోవడమే

తెలిసింది పంచుకోవడమే

================== 

Advertisements

VISUAL BOOK- వారాల ఆనంద్ కవిత్వం- 2018

Posted on Updated on

నేనూ నువ్వూ (POEM )

Posted on Updated on

నేనూ నువ్వూ

==========

నేనేమో

చిటికెడు వెలుగును కోరుకున్నాను

నువ్వేమో

పిడికెడు చల్లని వెన్నెలను మోసుకొచ్చావు

నేనేమో

దాహం తీరేందుకు దోసెడు నీళ్ళడిగాను

నువ్వేమో

వానా కాలాన్నే వెంటేసు కొచ్చావు

నేనేమో

భూమిలో నాటడానికో విత్తనాన్ని ఆశించాను

నువ్వేమో

ఏకంగా పంటనే పరిచేసావు

నేనేమో

చిన్న గెలుపు కోసం తపన పడ్డాను

నువ్వేమో

వాకిట్లో విజయ తోరణమే కట్టావు

ఇంతకూ

నేనెవరు నువ్వెవరు

నేనేమో చిన్ని ఆశను

నువ్వేమో కొండంత ఆత్మవిశ్వాసానివి

-వారాల ఆనంద్