POETRY

దర్భశయనం ‘హృదయాంతరంగం’- వారాల ఆనంద్

Posted on

Advertisements

Image Posted on

గతం జ్ఞాపకమవుతుంది

Posted on

కాల ప్రవాహంలో

మలుపులు పతాకాలై రెపరెపలాడతాయి

లోయలు దుఖాలై

లోలోపల బందీ అవుతాయి

కాలం గడిచినకొద్దీ

గతం జ్ఞాపకమవుతుంది

బహుశ ఇప్పుడు జ్ఞాపకాల్ని

మరిచిపోవాల్సిన తరుణమొచ్చింది

తుడిచివేయాలని ఎంత రుద్దినా

చేదిరిపోవడం లేదు సరిగదా

మరింత మెరుగులు దిద్దుకుని

ధగ ధగ లాడుతున్నాయి

అయినా మరిచిపోవడానికి

అవేమయినా కలలా

నడిచిన పాదాల సాక్షిగా

మరిగిన రక్తనాళాల సాక్షిగా

అవి నిజాలు కదా

నడిచి వచ్చిన రోజులూ

పరుగు పరుగున దాటిన క్షణాలూ

గెలుపోటముల్ని ధరించి

సవ్యంగానో అపసవ్యంగానో వెళ్ళిపోయాయి

నేనే

ఏమీ మాట్లాడకుండా ఉండిపోయాను

మలుపు దారుల్లోకో లోయల్లోకో

తిరిగి ఒకసారి వెళ్ళాలనుకుంటాను

జ్ఞాపకాలుగా నాలోనే స్థిరపడ్డ

చోట్లకి వెళ్ళడం ఎట్లా

పైకి కనిపించే విస్తీర్ణమే కాదు

నేను లోపల మరింత విస్తారంగా

వినమ్రంగా వున్నా

పలికిన వాటికంటే పలకనివే అధికం

మలుపులకంటే లోయలే హెచ్చు

నేనేమో లోనికీ బయటకూ

కవిత్వం బహానాతో లోలకమై కదులుతున్నా

కాలమేమో

నువ్వొక్కడివే కాదులేవోయి

అంటూ దర్జాగా వెళ్ళిపోతోంది

-వారాల ఆనంద్

Posted on

మేల్కొను మేల్కొను మెలకువగా వుండు  

           ————————– గుల్జార్

           —– అనువాదం: వారాల ఆనంద్

మేల్కొను మేల్కొను మెలకువగా వుండు

‘రాత్రులు’

దాడి చేయడానికి సిద్ధపడ్డాయి

అది ఓ సాలెగూడు

చీకటిని కొంతమంది పెంచి పోషిస్తున్నారు

మేల్కొను మేల్కొను మెలకువగా వుండు  

మనుషులూ వాళ్ళ విశ్వాసాలూ

అగ్ని కీలల్లో చిక్కుకున్నాయి

అగ్నికోరలు గర్జించినప్పుడు- భయమేస్తుంది  

అవి ప్రజల్ని రెచ్చగొట్టినప్పుడు

మరింత భయంతో వణుకొస్తుంది  

‘జాతి’

కొందరి పదఘట్టనల క్రింద

నలిగిపోతున్నది

మేల్కొను మేల్కొను మెలకువగా వుండు  

మరోసారి మెడలు వంచబడ్డాయి

తలలు తెగి రాలిపడ్డాయి

ప్రజలూ వాళ్ళ దేవుళ్ళు కూడా

విభజించబడ్డారు  

ఎవరయినా పేరేమిటని అడిగితే.. భయమేస్తుంది

ఏ దేవుణ్ణి పూజిస్తావంటే.. మరింత భయమేస్తున్నది

కొందరు చాలాసార్లు  నన్ను

మంచెకు వేలాడదీసారు

మేల్కొను మేల్కొను మెలకువగా వుండు