“ప్రజాస్వామ్యం” ++++వారాల ఆనంద్

“ప్రజాస్వామ్యం”

++++ వారాల ఆనంద్

ఓటు హక్కున్న మనుషులు

నడుస్తున్న కరెన్సీ అయిపోయినప్పుడు

పలుకుతున్న మాటలన్నీ

జమా ఖర్చులే

సర్వత్రా

నేను నాదీ నాకు అనేవే   

ఉఛ్వాస నిశ్వాసలై ఊరేగినప్పుడు                                                                                                                                                    

“ప్రజల చేత, ప్రజలయొక్క, ప్రజలకొరకు”

అన్న భావన సలసల కాగే స్వార్థపు జడిలో  

ఆవిరై అదృశ్యమైపోక

నాకోసమో నీకోసమో మిగులుతుందా

ఎన్నికల మైదానంలో

కూటమి, ఫిరాయింపు, బంధుప్రీతి  

మూడురంగుల జెండాగా తలెత్తుకు   

రెప రెప లాడుతూ వుంటే

కొంగ్రొత్త ప్రజాస్వామ్యం పరిడవిల్లుతుంది

ప్రజలే ప్రేక్షకులై బిక్కమొహమేసుకుని

ప్రేక్షకుల్లా అచేతనంగా నిలబడిపోతారు 

*********************