KARIMNAGAR FILM SOCIETY

FILM SOCIETY MOVEMENT

Posted on

 

సత్యజిత్ రే పూనికతో నిమాయ్ ఘోష్,ఋత్విక్ ఘటక్ లాంటి వారి చొరవతో మన దేశంలో ప్రారంభమయిన ఫిల్మ్ సొసైటి ఉద్యమం క్రమంగా కేరళ, కర్ణాటక, మహారాష్ట్రలకు చేరింది. దాని ప్రభావంతో ఉమ్మడి తెలుగు రాష్ట్రంలో హైదరబాద్, విజయవాడ, వరంగల్, కరీంనగర్, విశాఖపట్నం, ఖమ్మం,కొత్తగూడెం తదితర ప్రాంతాల్లో ఫిల్మ్ సొసైటి లు 70వద్శకమ్ నుండి, 90ల దాకా ఉద్యమంలాగా నడిచాయి. ఉత్తమ సినిమాలకు గొప్ప వేదికగా నిలిచాయి.

         అలాంటి కృషి కరీంనగర్ లో పుంజుకొని స్వంత ఆడిటోరియం నిర్మించుకునే దాకా ఎదిగింది.. ఆ నేపధ్యంలో ఆకాశవాణి హైదరబాద్ కార్యక్రమ నిర్వాహకులు సి.ఎస్.రాంబాబు గారు  ఇంటర్వ్యూ చేశారు. అది ఇటీవల ప్రసారమయింది… వీలయితే వినండి…. రాంబాబు గారికి ధన్యవాదాలు  

Advertisements

దర్శకుడు టి.మాధవ రావు

Posted on

 

తెలంగాణ సినిమా దశ దిశ

Posted on Updated on

తుమ్మేటి రఘోతంరెడ్డి ఆర్టికల్

‘తెలంగాణా సినిమా-దశ దిశ’
వారాల ఆనంద్

కాపీల కోసం
9440501281

ఆనంద్ గారు చాలా విషయాలు ఇందులో చర్చించారు!
చదివి తీరాల్సినవి!

పుస్తకాన్ని పంపిన Varala Anand గారికి కృతజ్ఞతలు!

***

తెలంగాణా సినిమా అంటే ఏమిటి?

ఎక్కడికక్కడ విరిచి రాసే కృత్రిమ యాసనా?
కల్లు గుడాలను తాగి బుక్కుతున్నట్టు చూపించడమా?

అసలు సినిమా తీసేవారికి ఏం ఉండాలి?
ఏం ఉండ కూడదు?
***
భౌగోళిక తెలంగాణ వచ్చింది!
రాజకీయ తెలంగాణ వచ్చింది!
పదవుల పందేరాల తెలంగాణ వచ్చింది!
దోపిడీ దౌర్జన్యాల తెలంగాణ వచ్చింది!
అధికార అహంకార తెలంగాణ వచ్చింది!
చాలామందికి చాలా చాలా తెలంగాణలు వచ్చినయి!

ఆటగాళ్లు
పాటగాళ్లు
కవులు
నట గాయకులు
రచయితలు
మేధావులు
ఇలా చాలా మందికి తెలంగాణ వచ్చింది!
వస్తే మంచిదే కద!
అట్లనే సినిమా తెలంగాణ రావాలె కద?
ఎందుకని వస్తలేదు?
దానికో మంత్రి
పరివారం
డబ్బు దస్కం ఎందుకు కేటాయించనట్టు!
అసలు ‘తెలంగాణ కల్చరల్ పాలసీ’ఎందుకు ప్రకటించనట్టు?

సాంస్కృతిక తెలంగాణ వస్తే ప్రమాదం!
ఎవరికి?
ఏలుతున్నవారికి!

కాసేపు మన పాలక వర్గాన్ని వదిలి మాట్లాడుకుందాం!
మన గురించి మాట్లాడుకుందాం!

చిన్న చిన్న ప్రయత్నాలు చేస్తున్న ‘సినిమా తెలంగాణ’ వాళ్ల గురించి మాట్లాడుకుందాం!

చిన్న చిన్న సినిమాలను ..ఎఫ్బిలో చూస్తున్నాను!
పెద్ద పెద్ద ఆకాంక్షలు అందులో దాగి ఉన్నాయి!
ఆకాంక్షలు అంటే?
సవ్యమైనవేనా?

సినిమా తీసేవారికి ‘తెలియని’ విషయం ఉండదు!
సకల కళా వల్లభులు!
సాంకేతిక పరిజ్ఞానం’తెలంగాణ సినిమా’ కాదని,
కల్లు గుడాలు తెలంగాణ సినిమా కాదని
కృతకమైన యాస తెలంగాణ సినిమా కాదని
వాళ్లకు ఎవరు చెప్పాలి?
‘కట్టుకధ’ తెలంగాణ సినిమా కాదని వారికి ఎలా అర్థం చేయించగలం?

తెలంగాణ సినిమా అంటే తెలంగాణ కధ అని వారికి ఎవరు నేర్పాలి!
‘కట్టు కధలను ‘ డిజిటల్ కెమెరాలో చిత్రించడమే సినిమా అనుకునే వారికి ‘పుట్టు కధల్రా’సినిమా అంటే అని ఎవరు తలకెక్కించాలి!

సినిమా అంటే వందల కోట్ల రూపాయల దోపిడీ సాధనం అనుకునే కొత్త తరానికి ,అది కాదని మరెవరు చెప్పగలరు?

చిళ్లర దేవుళ్లు ఎందుకొచ్చింది?
అంకుర్ ఎందుకొచ్చింది
ఒక ఊరి కధ ఎందుకొచ్చింది?
మా భూమి ఎందుకొచ్చింది?
దేశ వ్యాప్తంగా
ప్రపంచ వ్యాప్తంగా మంచి సినిమాలు ఎందుకొచ్చాయి?
ఎవరన్నా ఆలోచిస్తున్నారా?
కనీసం చూసారా వీళ్లు?
చరిత్ర తెలియదు!
అదొక్కటే తెలిస్తే చాలా?
కాదు !
అసలు లోటు మరోటి ఉంది!
దృక్పథం లేదు!

అవును!
మన వాళ్లకు సరైన దృక్పథం లేదు!
శ్రామిక వర్గ ప్రాపంచిక దృక్పథం లేదు!
అది లేని మనుషుల నుండి గొప్ప సినిమాలు రావు!
చెత్త సినిమాలు వస్తాయి!
డబ్బులు దండుకునే సినిమాలు వస్తాయి!

రచయితల
దర్శకుల
నిర్మాతల దృక్పథం ఎలా ఉంటే,సినిమాలు అలా ఉంటాయి!
మంచి సినిమా వచ్చే అవకాశాలు ఇప్పుడు ఏమీ లేవు!
ప్రభుత్వాలు ఎలాగూ ప్రోత్సహించవు!
అది రూఢీ!

ఇప్పుడు సమాజం దోపిడీకి ఎగబడుతోంది!
దోపిడీ విలువలను ‘కల్లు గుడాలతో’ కలిపి సినిమా తీసి బాగుపడాలని అనుకుంటోంది!

దోపిడీ దౌర్జన్యాలను హృదయ పూర్వకంగా ఎదిరించే మనుషులు రావాలి!
వాళ్లకు కళ అంటే ఏమిటో తెలియాలి!

కెరీరిస్టుల తరానికి
ఎంత డబ్బు దండుకుంటే అంత గొప్పనుకునే తరానికి మంచి సినిమా తియ్యరాదు!
తియ్యలేరు!
పెట్టుబడికి
కట్టుకధకు
లాభాపేక్షకు
కీర్తి కాంక్షకు
బానిసలైన వారు మంచి సినిమాలు తియ్యలేరు!

అందాకా మనం మంచి సినిమా అంటే ,మంది సినిమాల గురించి చెప్పుకోవాల్సిందే!

మనకు అన్నీ ఉన్నాయి!
దృక్పథం లేదు!
అదీ ఉన్నది!
తప్పుడు దృక్పథం!
దోపిడీ దృక్పథం!
అదీ సంగతి!
గొప్పసినిమా కాదు కదా
మంచి సినిమా కూడా వచ్చే పరిస్థితులు కనిపించడం లేదు!
తప్పు నాది కదని మనవి!
పరిస్థితులు అలా ఉన్నాయని నెట్టేద్దాం!

డబ్బులు పెడితే అన్నీ దొరుకుతాయి!
సరైన ప్రాపంచిక దృక్పథం దొరకదు!
అది మనిషిలోంచి రావాలి!
దోపిడీ వ్యవస్థతో రాజీ పడని తత్వం!
అదెక్కడ దొరుకుతుంది?

తుమ్మేటి రఘోత్తమ రెడ్డి

కొత్త తరం దర్శకులు సరికొత్త తరం సినిమా

Posted on

 కొత్త తరం దర్శకులు సరికొత్త తరం సినిమా

     1990ల తర్వాత ఎప్పుడయితే దేశంలో సరళీకరణ, ప్రయివేటీకరణ, ప్రపంచీకరణ (LPG) అమలులోకి వచ్చిందో అప్పటినుంచి భారతీయ సినిమా రంగంలో ఊహించని రీతిలో మార్పులు మొదలయ్యాయి. దానికి తోడు వివిధ దేశాల ఉపగ్రహ చానళ్ళ ప్రసారాలు మొదలు కావడం, ఉప్పెనలా డిజిటల్ టెక్నాలజీ అందుబాటులోకి రావడం, హై స్పీడ్ ఇంటర్నెట్ చేరువకావడం తదితర కారణాలతో అప్పటిదాకా వున్న సినిమా నిర్మాణ రీతులు పూర్తిగా మార్పునకు లోనయ్యాయి. మరోపక్క కుటుంబాలు సమిష్టి తనాన్ని కోల్పోయి ఉపగ్రహ కుటుంబ వ్యవస్థ రావడం చకచకా జరిగిపోయాయి. ఇట్లా మొత్తంగా గత రెండున్నర మూడు దశాబ్దాలుగా మొత్తం భారతీయ సామాజిక స్థితి మారిపోయింది. దాని ప్రభావం సమస్త మానవ సృజనాలపై, ముఖ్యంగా  సినిమాపైన అమితంగా పడింది. ఈ నేపధ్యంలో మలయాళీ సినిమాను పరిశీలిస్తే ఇప్పుడు కొత్త తరం దర్శకులు, సరికొత్త సినిమా రూపొందడాన్ని చూడవచ్చు. ఆ మార్పు నిర్మాణ నైపుణ్యాల విషయాలతో పాటు ఇతివృత్తాల పరంగా కూడాజరుగుతున్నది. కేరళలో సినిమా పెద్ద మార్పునే చెందింది. అల్ఫోంస్ పుత్రేన్ దర్శకత్వం లో రూపొందిన “ప్రేమమ్ ” మలయాళీ సినిమా రంగంలో విజయమవంతమయి కొత్త తరం సినిమాకు పాదులు వేసింది. ఈ ప్రేమ కథాత్మమయిన నవీన్ పాళీ, సాయి పల్లవి, మడోనా సెబాస్టియన్ లు నటించిన ఈ సినిమా నిర్మాణ పరంగా కూడా నూతన ఒరవడిని ప్రారంభించింది.  సినిమా కేరళ, తమిళనాడు లతో సహా ప్రపంచవ్యాప్తంగా పెద్ద విజయాన్ని సాధించింది. 4కోట్ల బడ్జెట్ తో నిర్మానమయి 60కోట్లకు పైగా వసూలుచేసింది. లిజిన్ జోస్ తీసిన “ ఫ్రైడే “ ఒక రోజు అనేక కథలు అన్న నిర్మాణ ఒరవడిని చేపట్టిన థ్రిల్లర్ డ్రామా.  ఫాహద్ ఫాసిల్. ఆన్ ఆగస్టిన్లు  ప్రధాన భూమికలు పోషించిన ఫ్రైడే విలక్షణ మయిన సినిమా నరేటివ్ ను కలిగి వుంది. తర్వాత అల్ఫోంస్ పుత్రేన్ తీసిన “నీరమ్  “ బ్లాక్ కామెడీ థ్రిల్లర్. తమిళ మలయాళీ భాషల్లో ఏక కాలం లో నిర్మించ బడిన ఈ సినిమా తర్వాత తెలుగులో రన్ గా అనువాదమయింది. ఇక లిజో జోస్ పెళ్లిసేరి తీసిన “సిటీ ఆఫ్ గాడ్ “, “డబుల్ బారెల్ ” లు కూడా మంచి  స్టై లైజ్డ్ సినిమాలుగా కొత్త తరం సినిమాలుగా పేరు తెచ్చుకున్నాయి. వీటిలో ఆధునికతను సంతరించుకున్న స్త్రీ పాత్రలు, ప్రేమ గురించి సెక్స్ గురించి మాట్లాడడానికి మొహమాటాల్లేని తనం అంతా ఓపెన్ నేస్స్ అన్నట్టుగా కనిపించే విధానం చూస్తాం. అయితే స్త్రీ పాత్రల విషయంలో వారి వ్యక్తిత్వ ఆవిష్కరణ  కంటే అత్యానుధికత  వీటిల్లో ముఖ్యమయిపోయి కొత్త తరం సినిమాలుగా పేరు తెచ్చుకుంటున్నాయి. ఇంకా సుదేవన్(సీ.ఆర్.నంబర్ 89), సమీర్ తహిర్(చాప్పా ఖురీష్) , లాల్ జోష్(డైమండ్ నెక్లెస్), అన్వర్ రశీ( ఉస్తాద్ హోటల్), . వి.కె.ప్రకాష్(బ్యూటీఫుల్ ), రాజేశ్ పిళ్ళై ( ట్రాఫిక్)  లాంటి దర్శకులు చర్చనీయాంశమయిన సినిమాలు తీశారు. ఇక జీతూ జోసెఫ్ రూపొందించిన  “ దృశ్యం ”లాంటి సినిమాలు దేశ వ్యాప్తంగా తెలుగుతో సహా తమిళ,హింది భాష ల్లోకి రేమేక్ అయ్యి విజయం సాధించింది.

    మలయాళంలో కొత్తతరంసినిమాల్తో పాటు కొత్త తరం నటీనటులు కూడా వెలుగు చూస్తున్నారు. ఫహద్ ఫజిల్, నివిన్ పాలీ, జయసూర్య, దుల్ఖర్ సల్మాన్, పృథ్వీరాజ్ లాంటి నటులు ముందుకు వచ్చారు. ఇట్లా కొత్త తరం నిర్మిస్తున్న new gen సినిమాలతో మలయాళీ సినిమా కొత్త పుంతలు తొక్కుతున్నది.

  ఇలాంటి కొత్త తరం సినిమాలు మలయాళీ సినిమా రంగం లో ఆదినుంచీ వున్న విలక్షణతను ఆవిష్కరిస్తున్నాయనే చెప్పాలి.

        నిజానికి  ప్రపంచ వ్యాప్తంగా మూడున్నర కోట్ల మందిమాట్లాడే మలయాళీ భాష వారి కళాత్మక సృజన విలక్షమయింది.అది సాహిత్యమయినా, సినిమా అయినా వాస్తవికత ఒక వైపూ వ్యాపారాత్మకత మరో వైపూ సమాంతరంగా సాగుతూ వుంటాయి. అన్ని భారతీయ రాష్ట్రాలోకెల్లా కేరళ సృజన విషయంలో తన విలక్షణతను చాటుకుంటూనే వుంది. సినిమా విషయానికి వస్తే తూర్పున వున్న బెంగాల్ కు  సమాంతరంగా అర్థవంతమయిన ఆవిష్కరణలతో అంతర్జాతీయ స్థాయిలో నిలిచింది కేరళ.

      1928లో జేసీ డేనియల్ నిర్మించిన మొట్టమొదటి మూకీ సినిమా

“ విగతకుమారన్” తో మొదలయిన మలయాళీ సినిమా ప్రస్థానం 1938లో  ఎస్.  నొటాని  నిర్మించిన “ బాలన్” తో టాకీ సినిమా యుగం మొదలయింది. బాలన్ నిర్మాతలు కేరలేతరులు కాగా కేరళ వాసి నిర్మించిన మొదటి సినిమా గా “ ప్రహ్లాద” ను చెప్పుకోవచ్చు. నిజానికి అన్నీ దక్షిణ భారతీయ సినిమా రంగాల్లాగే మద్రాస్ కేంద్రంగానే మలయాళీ సినిమా కూడా మొదలయింది.  పి.సుబ్రమణ్యం త్రివేంద్రంలో స్థాపించిన మెర్రీలాండ్ స్టూడియో తో మలయాళీ సినిమా రంగం గొప్ప మలుపు తిరిగింది. ఆ తర్వాత క్రమంగా కేరళ లో చిత్రసీమ ఎదుగుదల మొదలయింది. అక్కడ మొదటినుంచీ వాస్తవ వాద సినిమాలు ఒక  వైపూ పూర్తి ప్రధాన స్రవంతి సినిమాలోక వైపూ నిర్మాణమవుతూ వచ్చాయి. రామూ కరియత్ “ చేమ్మీన్ ” లాంటి సినిమాలతో జాతీయ స్థాయి గుర్తిపును సాధిస్తే ప్రేమ్ నజీర్ లాంటి స్టార్ లు వ్యాపార సినిమా రంగాన్ని ఏలారు. మరోపక్క “ ఆమె మధురరాత్రులు ” లాంటి సినిమాలు కూడా వచ్చాయి. 1960ల్లో అనేక  సాహితీ విలువలున్న కథలు, నవలలూ కేరళలో మంచి సినిమాలుగా వచ్చాయి. తకజ్హి శివశంకర పిళ్ళై , ఎండి బషీర్,పరప్పురమ్, ఏంటీ వాసుదేవన్ నాయర్ లాంటి వాళ్ళు రాసిన రచనలు ఎన్నో సినిమాలుగా రూపాంతరీకరణ చెందాయి. 1965లో రామూ కరియత్ తన చేమ్మీన్ తో 1965లో జాతీయ ఉత్తమ చిత్రం అవార్డును గెలుచుకొని మలయాళీ సినిమాకు కొత్త గౌరవాన్ని తెచ్చిపెట్టారు. తర్వాత భాస్కరన్  “ఇరుతింటే ఆత్మవు ”, విన్సెంట్ “ తులాభారం “ సినిమాలు జాతీయ గుర్తింపును అందుకున్నాయి. 1972లో అదూర్ గోపాలకృష్ణన్ శకం మొదలయింది. చిత్రలేఖ ఫిల్మ్ కొ ఆపరేటివ్ ను స్థాపించి అదూర్ తీసిన “స్వయంవరం” మొత్తం దేశంలోనే నూ తన ఒరవడిని ఆరంభించింది. తర్వాత ప్రఖ్యాత రచయిత ఏంటీ వాసుదేవన్ నాయర్ తన “ నిర్మాల్యం “ దానికి తోడయింది. అట్లా కేరళలో వాస్తవిక  పాంతీయ,సృజనాత్మక సినిమాకు పాదులు పడ్డాయి. ఆ ఒరవడి అరవిందన్, కె.జి.జార్జ్ , మోహనన్, పద్మరాజన్, భారతన్ తదితరుల సినిమాలతో ముందుకు సాగింది. అరవిందన్ కాంచన సీత, చిదంబరం, ఎస్తప్పన్, అదూర్ ఎలిపత్తాయమ్,  ముఖాముఖం, షాజీ కరుణ్  “ పిరవి  “ తదితర అనేక సినిమాలు అర్థవంతమయిన కళాత్మక సినిమా ప్రపంచంలో గొప్ప సినిమాలుగా నిలిచాయి. మరోవైపు ఒడెస్సా సినిమా ఉద్యమంతో జాన్ అబ్రహం తన మిత్రులతో కలిసి ఊరూరూతిరిగి మంచి సినిమాలు ప్రదర్శించి ప్రేక్షకులు ఇచ్చిన చందాలతో  “అమ్మా అరియన్ “ లాంటి గొప్ప సినిమాలు తీశాడు.

    అట్లా సమాంతర సినిమా తో పాటు కేరళలో ప్రధాన స్రవంతి సినిమా కూడా సుప్రసిద్ద నటులు మమ్ముట్టీ, మోహన్ లాల్ లాంటి నటులతో స్టార్ డమ్ కూడా కొనసాగింది. అయితే కేరళ లో ప్రత్యేకత ఏమంటే మోహన్ లాల్, మమ్ముట్టీ లు కూడా సమాంతర సినిమాలల్లో విరివిగా నటించి ఎన్నో జాతీయ అవార్డులు ప్రశంశలు అందుకున్నారు.  ఇట్లా విభిన్న నిర్మాణ రీతులు, భిన్న ఇతివృత్తాలతో కళాత్మకత ఒక వైపూ కాసుల సినిమా మరోవైపూ కేరళ లో విలసిల్లుతున్నది. ఏదేట్లా వున్నా భారతీయ సినిమా రంగంలో మలయాళీ సినిమా ప్రాంతీయమయి విలక్షణతను చాటుకున్నది. ఆధునిక newgen కాలంలో కొత్త రకం సినిమాకూ వేదిక అవుతున్నది.

0f0d06d9-e5c8-4edc-8ba1-2a3e24046fc4 (1)

 VILLAGE ROCKSTARS

Posted on Updated on

 విలేజ్ రాక్ స్టార్స్ –మంచి అస్సామీ బాలల సినిమా

      ప్రకృతి సిద్దమయి నదీ  నదాలూ, పర్వతాలతో స్వచ్చమయిన వాతావరణంతో తుల తూగే ఈశాన్య భారతంలో ప్రధాన రాష్ట్రం అస్సాం. అక్కడినుంచి వచ్చిన సాహిత్యం, సంగీతం, సినిమామొదలు అన్నీ కళలూ అత్యంత ప్రాంతీయమై  అనుకరణ కాని ఆసలయిన కళారూపాలుగా వుంటాయి.

     అస్సామీ సినిమా జాలీ వుడ్ (JOLLYWOOD) గా పిలవబడుతున్నది. 1935లో జ్యోతి ప్రసాద్ అగర్వాల నిర్మించిన  “” జోయ్ మతి  “” సినిమాతో అసామీ సినిమా ప్రారంభమయింది. కానీ అనేక కారణాల రీత్యా అక్కడ సినిమా విస్తారంగా ఎదగలేదు. చాలా కాలం కలకత్తా కేంద్రంగానే అస్సామీ సినిమాల నిర్మాణం జరిగింది. కానీ వచ్చిన సినిమాలు మాత్రం చాలా వరకు మంచి సినిమాలుగా పేరుతెచ్చుకున్నాయి. అట్లా ఇటీవల దర్శకురాలు రీమాదాస్ రచించి, దర్శకత్వం వహించిన సినిమా   విలేజ్ రాక్ స్టార్స్   ఇటీవల హైదరబాద్ లో జరిగిన  అంతర్జాతీయ బాలల చలన చిత్రోత్సవం లో ఆసియా విభాగంలో దర్శకత్వ అవార్డు తో పాటు మరో రెండు అవార్డులు కూడా గెలుచుకుంది.

  విలేజ్ రాక్ స్టార్స్   సహజంగానూ, గ్రామీణ వాతావరణ నేపథ్యంలోనూ చిత్రించబడి ఆసామ్ జనజీవన సజీవ దృశ్యం లా సాగుతుంది. ఈ సినిమాను దర్శకురాలు తమ గ్రామం చాహాయి గాంవ్ కు అంకితం చేస్తుంది.

మహిళల్లో ముఖ్యంగా అమ్మాయిల్లో స్వంత కాళ్ళ పై నిలబడడం, వ్యక్తిత్వ నిర్మాణం రూపొందించుకోవడం, తన కలల్ని సాకారం చేసుకోవడం అనే అంశాలపై ఈ సినిమా సాగుతుంది. విజువల్ గా చాలా అద్భుతంగా వుండి అబ్బురపరుస్తుంది.

     సినిమా కథా కథనానికి వస్తే ఓ మారు మూల గ్రామంలో ధును అనే ఓ పదేళ్ళ అమ్మాయి విధవరాలయిన తన తల్లి, బద్దకస్థుడు అయిన అన్న తో కలిసి జీవిస్తుంటుంది. తల్లి చేసిన తినుబండారాల్ని అమ్ముకు రావడానికి జాతరకు వెళ్ళిన ధును అక్కడ ఒక బాండ్ ప్రదర్శన చూసి అబ్బురపడుతుంది. అంతే కాదు ఒక కార్టూన్ పుస్తకం చూసి ప్రభావితమయి తానూ ఒక గిటారిస్ట్ కావాలని, తానూ ఒక బాండ్ ను రూపొందించుకోవాలని కలలుకంటుంది.  ఒక పాత పేపర్లో పాజిటివ్ గా వుండడం వల్ల కలలు సాకారమవుతాయని దాంతో దేన్నయినా సాధించుకోవచ్చు నని అర్థం చేసుకుంటుంది. కానీ తమ పేదరికం అసహాయత అడ్డు పడుతుండగా మొక్క వోని దీక్షతో ఒక్కో రూపాయి కూడా బెట్టడం ఆరంభిస్తుంది. అప్పుడే ధును రజస్వల  అవుతుంది. మొత్తం ఆచారాల ప్రకారం తంతు నిర్వహిస్తారు. అప్పటినుంచి ఆమె పైన ఆంక్షలు ఆరంభ మవుతాయి. చీరె కట్టాలని, మగపిల్లలతో కలిసి తిరగొద్దని కట్టుబాట్లు చెబుతారు. కానీ ధును తల్లి అందుకు భిన్నంగా తన బిడ్డకు పూర్తి స్వాంతత్రాన్ని ఇస్తుంది.

వరదలు ప్రకృతి భీభత్శాలకు వాళ్ళకున్న కొద్ది భూమిలో పంట కూడా కొట్టుకు పోతుంది. ప్రతి ఏటా వరదలకు కొట్టుకుపోయే ఈ వ్యవసాయం ఎందుకు చేయాలని ధును తల్లిని అడుగుతుంది. తమకు తెలిసిన వృత్తీ యాగం ఇదే అని తల్లి బదులిస్తుంది. మునిగి పోతుందని ఏమీ చేయకుండా వుండలేము కదా అంటుంది. రూపాయి రూపాయి కూడబెట్టి ధును తన గిటార్ కలను నెరవేర్చుకుంటుంది.

ఇక్కడ గిటార్ సాధించడం కేవలం ఒక సింబాలిక్ మాత్రమే, మొత్తం సినిమాలో ధును తన ఉత్సాహం, సొంతంగా సాధించాలనే తత్వం చాలా సహజంగా చూపిస్తుంది దర్శకురాలు.

    వర్తమాన కాలంలో ఆడపిల్లలకు మగపిల్లలకు నడుమ వుండే ఒక ప్రధాన మయిన తేడాను  విలేజ్ రాక్ స్టార్స్  వివరిస్తుంది. ధును అత్యంత ఉత్సాహవంతురాలిగా భాధ్యత కలిగిన అమ్మాయిలా వుంటే ఆమె అన్న బద్దకంగానూ చిన్న అవకాశం దొరికితే చాలు బడి ఎగ్గొట్టే రకంగానూ వుంటాడు. ఇక ధును తండ్రి ఈత నేర్చుకోవానికి భయపడి నీలల్లో మునిగి చనిపోతాడు. ఇట్లా ఆడపిల్లల స్వావలంభనను ఆవిష్కరిస్తూ  విలేజ్ రాక్ స్టార్స్   కొన సాగుతుంది. ఇందులో నీలోత్పల్ బోరా సంగీతం అదనపు మూడ్ ను కలిగిస్తుంది. కెమెరా భాధ్యతల్ని కూడా రీమా దాస్ నిర్వహించారు.

     పిల్లల్ని చైతన్య వంతులను చేసే దిశలో సాగే ఈ సినిమాకు ధును పాత్ర ధారి భనితా దాస్ సహజ నటన ప్రధాన ఆకర్షణ. పేదరికానికి,ప్రకృతివైపరీతలకూ ఎదురోడ్డి తన కలల్ని సాకారం చేసుకునే పాత్రలో భనిత, ఆమె తల్లి పాత్రలో బసన్తీ దాస్ తో పాటు ఎవరు కూడా వృత్తి కళాకారులు కాదు అందరూ గ్రామంలోంచి ఎన్నుకోబడ్డావారే కావడం గమనార్హం. విలేజ్ రాక్ స్టార్స్   ప్రపంచ వ్యాప్తంగా అనేక ఫిల్మ్ ఫెస్టివల్స్ లో బహుమతులు గెలుచుకుంటూనే వుంది.

    పిల్లలు ప్రాధానంగా చూడాల్సిన ఆసలయిన ప్రకృతి సిద్దమయిన మంచి సినిమా  విలేజ్ రాక్ స్టార్స్   

వారాల ఆనంద్

rockstars 1